Kryeministri Isa Mustafa ka konfirmuar se vëllai i tij, Ragipi, kishte kërkuar azil në vendet e BE-së për t’u shëruar nga një sëmundje e rëndë. Ka thënë se është operuar në Tiranë, por gjendja e tij vazhdon të mbetet e rëndë.
Sidoqoftë, Mustafa ka thënë se edhe familjarë të tjerë të tij kanë kërkuar azil në vendet e BE’së por janë kthyer pasi s’kanë mund të gjejnë vende jashtë Kosovës.
Prandaj, ka premtuar Kryeministri se është duke punuar për të gjetur zgjidhje, për të përmirësuar sistemin shëndetësor, për të hapur vende pune.
“Përgjegjësia ime është të punoj për të gjetur zgjidhje për qytetarët e mi. i vetëdijshëm për gjendjen e rëndë në të cilën jemi po punoj të intensifikoj kontaktet dhe lidhjet me vendet të cilat mund ta mbështesin zhvillimin ekonomik dhe social të Kosovës”, ka shkruar ai.
Qytetarë të nderuar,
Po lexoj në protale se vëllai im paska kërkuar azil për shkaqe shëndetësore jashtë vendit. Kjo është e vërtetë. Më vonë jam informuar nga
familja e vëllai, se ai kishte kërkuar qëndrim jashtë vendit, për tu shëruar nga një sëmundje e rëndë, për të cilën nuk gjente shërim në
Kosovë. Në vjeshtën e vitit që shkoi ka pasur një ndërhyrje në Tiranë, tani është në Prishtinë, dhe gjendja e tij vazhdon të jetë mjaft e rëndë.
Dyshoj se mund t’i ndihmoj as Vehbi Kajtazi me Insajderin, por mund t’ia rëndojë dhembjet e tij të mëdha.
Në valën e migrimeve, dua të jem i hapur me ju se, kanë shkuar edhe mesa e nipa të mi dhe janë kthyer. Kjo flet se edhe familjarët e mi
ndajnë fatin me qytetarët e tjerë, hallexhi, të Kosovës. Prandaj si Kryeministër po angazhohem që të gjejmë zgjidhje, të liberalizojmë vizat,
të tërheqim investime për të krijuar vende të punës, të përmirësojmë sistemin shëndetësor dhe që sa më pak qytetarët tanë të kenë nevojë
të kërkojnë shërim në forma të tilla jashtë vendit.
Përgjegjësia ime është të punoj për të gjetur zgjidhje për qytetarët e mi. I vetëdijshëm për gjendjen e rëndë në të cilën jemi po punoj të
intensifikoj kontaktet dhe lidhjet me vendet të cilat mund ta mbështesin zhvillimin ekonomik dhe social të Kosovës.
