Pavlin Polia, vëllai i biznesmenit Ferdinand Polia, i cili u ekzekutua në Grudë të Shkodrës, nuk ka ende një arsye se pse i vranë të vëllanë. Në një prononcim për media ai u shpreh se autorët e vrasjes mund të kenë ngatërruar objektiv.
Pavlin Polia: Pista jonë është se mos kanë ngatërruar person. Sepse logjika i bie, sipas detajeve, që është vrarë me maskë se është porositur. Por këtë version kemi duke qenë se nuk kemi pasur konflikte.
Edhe sa i takon tre personave të arrestuar ditën e sotme nga policia si bashkëpunëtorë të autorit të vrasjes, Polia nuk gjen asnjë lidhje të tyre me të vëllain.
Pavlin Polia: Kemi pasur një dyshim se ka një ngatërresë për autorët e arrestuar nga policia. Por jemi në pritje për një gjë më të saktë. Jemi në një tension të madh dhe shpresojmë që të dalë sa më parë e vërteta.
I pyetur nëse vrasja ka lidhje me detyrën që ka mbajtur viktima, apo me të shkuarën e tij në Itali, ai jep këtë përgjigje: Nuk ka pas asnjë konflikt. Nuk ka pas ndonjë dyshim sepse nuk ka pasur as ndonjë kërcënim./Opinion.al
LEXO EDHE: Emrat/ Vrasja e “Nardit të bujtinave”, tre në pranga
