Në plazhin e Velipojës janë përplasur dy mjete lundruese Jet Ski, të drejtuara nga dy shtetas italian N. L., 19 vjeç, dhe S. D., 20 vjeç.
Përplasja ka ndodhur në thellësi të detit rreth 1 milje jashtë perimetrit të sigurisë dhe dyshohet se ka ardhur si pasojë e manovrave të gabuara.
Si pasojë e përplasjes, ka ngelur i dëmtuar njëri prej dy drejtuesve, shtetasi N. L, i cili ndodhet për ndihmë mjekësore në spitalin rajonal të Shkodrës.
Të dy mjetet lundruese Jet Ski u bllokuan nga shërbimet e Policisë Kufitare.
Grupi hetimor, nën drejtimin e Prokurorisë, vijon punën për sqarimin e plotë të rrethanave të rastit.
