Është zhvilluar sot seanca e 9-të gjyqësore për projektin e “Velieres” në Durrës. Sapo Bashkia e Durrësit nisi gërmimet, shoqëria civile protestoi dhe e paditi në gjykatë. Prej 13 muajsh ky projekt është gjyqeve.
Sot, tre arkeologë të pavaruar prezantuan raportin ne seancën e radhës të mbajtuar në Gjykatën Administrative Durrës në prezencë edhe të shoqërisë civile. Perpara trupit gjykues ekspertët të cilët kanë në dore fatin e projektit “Veliera”, thanë se projekti fillestar e cënon trashëgiminë kulturore. Për të mbrojtur trashëgimin duhen të kryhen disa ndryshime në projekt.
Edhe pse shoqeria civile e ndoqi me interes raportin për afro 2 ore, serish kerkuan më shumë kohe për t’u njohur me të. Kjo beri qe vendimi të shtyhet për të 9-en here radhazi. Seanca e radhës do të mbahet me 9 janar.
Punimet në lulishten para godinave të Drejtorise së Portit Detar të Durrësit si dhe Torres Veneciane nisën 13 muaj më parë. Gjatë punimeve u zbluan monumente arkelogjike, duke nxitur reagimin e shoqërisë civile, të cilët iu drejtuan gjykatës për pezullim te projektit.
