Me datë 7 dhe 8 janar kryebashkiaku i Tiranës pritet të zhvillojë një takim me George Soros në forumin ekonomik në Sri Lanka. Në këtë forum do të diskutohet për mënyrën sesi një vend mund të shkojë drejt një rritje ekonomike të qëndrueshme.
Iniciativa për forumin ishte e Kryeministrit të këtij vendi, Ranil Wickremesinghe, ndërsa Sorosi do jetë folësi kryesor në këtë forum, bashkë me emra të njohur të ekonomisë botërore si Joseph E. Stiglitz, Alan Hirsch, Robert F. Conrad, Daniel Stock, etj. Mes folësve do jetë edhe Erion Veliaj.
Nuk dihet se çfarë do thotë konkretisht Veliaj për rritjen ekonomike në Sri Lanka, por në njoftimin zyrtar të publikuar nga mediat e këtij vendi thuhet se “angazhimi në politikë i Veliajt vjen pas një angazhimi të gjatë në shoqërinë civile, organizatat ndërkombëtare dhe median”. Lidhja mes Erjon Veliajt dhe Geroge Soros është diskutuar edhe më heret në mediat shqiptare ku është thënë madje se ka qënë vetë Soros ai që e ka futur Veliajn në politikën shqiptare përmes “Mjaft”.
