Kreu i Bashkisë së Tiranës, Erion Veliaj, i cili garon për një mandat të dytë në këtë drejtimin e kryeqytetit ka votuar në Qendrën e Votimit në Parkun Olimpik. Erion Veliaj ishte i shoqëruar nga bashkëshortja e tij.
Në këto zgjedhje Erion Veliaj garon përballë kandidatit të Bindjes Demokratike, Arben Skendëri.
Pas procesit të votimit, Veliaj u prit me duartrokitje ndërsa tha se këto zgjedhje do të jenë për qytetin. Sipas zotit Veliaj, nëpër qendrat e votimit ka radhë, dhe kjo tregon se njerëzit duan të votojnë. Po ashtu ai foli dhe për kundërshtarin e tij.
“Këto zgjedhje janë për qytetin tonë. Ndaj dhe mbi politizimi, apo përdorimi i zgjedhjeve për të larë hesapet nuk bën punë. Ka radhë për të votuar, dua ta falënderoj shumë kundërshtarin. Është një çun Tirane, kemi vendosur që fëmijët ti risim këtu. Ka më shumë gjëra që na bashkon se sa na ndajnë”, theksoi Veliaj. / Opinion.al
