Kryebashkiaku i Tiranës Erion Veliaj ka mbërritur në ambientet e Gjykatës së Posaçme të Apelit.
Në seancën e sotme gjyqësore ai pritet të njihet me vendimin, pas ankimit që i ka bërë masës së arrestit me burg.
Ditën e djeshme janë paraqitur prova të reja nga prokurorët dhe për këtë arsye, seanca u shty për sot.
Kujtojmë se Veliaj u arrestua më 10 Shkurt, i akuzuar për dy vepra penale, atë të “korrupsionit pasiv” në 9 raste dhe “pastrim parash”.
2 ditë më vonë, u verifikua masa e “arrestit me burg” ndaj tij në GJKKO, ndërkohë që për bashkëshorten e tij Ajola Xoxa u caktua masa e “detyrim paraqitje”.
Prej 1 muaji tashmë, Veliaj ndodhet në ambientet e paraburgimit në Durrës.
