“Këshilltar i opozitës që ha bukën e Qeverisë, vetëm Besnik Aliaj mund të jetë”. Kështu është shprehur sot kryetari i bashkisë së Tiranës Erion Veliaj në nisje të mbledhjes së Këshillit Bashkiak.
Sot është një ditë e rëndësishme pasi diskutohet dhe votohet për planin urbanistik të Tiranës. Që në nisje ra në sy mungesa e demokratit Besnik Aliaj. Një nga kolegët e tij tha se “ai nuk vjen se është kërcënuar”. Këtu e ka marrë fjalën Erjon Veliaj duke e deskritituar në mënyrë të pashembullt Besnik Aliajn.
Deklarata e kryetarit të Bashkisë, Veliaj
“Besnik Aliaj ishte dje në dëgjesë për 3 orë dhe ishte dakord me Planin, ndërsa sot nuk vjen këtu për ta votuar. Nuk vjen dhe ua them unë arsyen, sepse askush nuk e ka kërcënuar. Por ai ka marrë 500 mijë euro punë publike nga Qeveria Rama. Kjo është hipokrizi, të marrësh gjysmë milionë euro dhe të thuash tani svij se jam i kërcënuar është e turpshme. Anëtari juaj, i vetmi urbanist që keni do edhe milionat nga buxheti i shtetit po do edhe karrierën politike. Pra do bukën e qeverisë dhe gjuhën e opozitës. Unë ju kuptoj ju që jeni të ndershëm dhe jetoni me rrogat tuaja. Ju kuptoj dhe kur më shani se doni të bëni politikë. Por nuk e kuptoj atë që mungon sot”.
/Opinion.al
