Duket se Bashkia e Tiranës ka vendosur të ndërhyjë në një zonë ku në 10 vitet e fundit janë ngritur vetëm pallate, dhe ku nuk ka asnjë institucion publik, si shkolla, kopshte, etj. Bëhet fjalë për lagjen e krijuar në Unazën e Re, ose sic njihet ndryshe zona e Yzberishtit.
Përmes një statusi në facebook dhe disa fotove, kryetari Erion Veliaj thotë se ka nisur ndërtimi i një këndi lojërash për fëmijët e shumtë të kësaj zone. Por përmes komenteve të facebook, mësojmë se banorët kanë shumë të domosdoshme një shkollë për fëmijet.
Gjithsesi e rëndësishme është që bashkia po ndërhyn, me investime edhe në këtë zonë ku jetojnë mijëra banorë.
Statusi i plotë i Veliaj
Ky do jetë këndi i dytë më i madh pas atij te Liqeni dhe e para e një serie ndërhyrjesh te zona e Astirit dhe Yzberishtit. Çdo ditë një punë konkrete për Tiranën. Mos harro: Në 13 Nëntor aksion pastrimi në gjithë qytetin!
