Moderatorja e emisionit Vila 24 në News 24, Androniki Kolka ka intervistuar në prag të festave të fundvitit kryebashkiakun Erion Veliaj, duke na njohur nga afër me zyrën e tij, punën e përditshme por edhe dëshirat e tij për veten e qytetin.
2016-ta për Veliajn pritet të jetë një vit i frytshëm në aspektin personal, ku mes humorit ai pranon se do të zgjerojë familjen. “Tani që do rikuperojmë edhe çeqet për bebet, besoj që edhe unë do jap një kontribut personal”.
Ndërsa për qytetarët e Tiranës Veliaj këshillon të jenë më të njerëzishëm në vitin 2016-të.
“Kam një dëshirë që lidhet me punën. Unë e jetoj këtë punë si dikush jeton një dashuri me shikim të parë, shumë gjëra i lidh me punën. Por nëse qyteti në vitin 2016 do ishte më i njerëzishëm unë besoj se asfalti mund të kompensohet, pusetat mund të kompensohen, dritat mund të ndërrohen, ndërsa njerzillëku është diçka që nuk blihet me para dhe që nuk e investon vetëm dot bashkia. Kërkon një konsensus publik”, tha ai
Veliaj pranoi se është një tip që i pëlqen shumë të bëjë dhurata, ndërsa nga ana tjetër na njeh më një mangësi të tijën. “Jam dështak në kërcim. Besoj se njerëzit duhet të thonë të vërtetën dhe e vërteta është që unë jam një dështak në vallëzim. Ajola kërcen shumë bukur, kam përshtypjen që kur perëndia i ndau talentet i shkau dora dhe këtë të vallëzimit e derdhi të gjithin tek Ajola”.
Por kush janë pengjet e tij për vitin që lamë pas? “Për bashkinë nuk kam pengje. Po ti kthehesha ditës së betimit do kisha bërë ekzaktësisht atë qw kam bërë.
Përveshëm mëngët dhe nisëm nga puna. Për Tiranën kemi marrë vendimet e drejta. Duhet të kisha kaluar me shumë kohë me familjen, kështu që rezoluta ime për 2016 është të jem më eficent në detyrë që të mos sakrifikoj familjen”. (Balkanweb)
