Në Portugali ka lindur fëmija i parë nga fekondimi artificial, babai i të cilit ka vdekur në vitin 2019 nga kanceri. Fëmija ka lindur dje në një spital në Porto dhe peshon gati katër kilogramë.
Beteja ligjore duhej të bëhej nga e veja Ângela Ferreira, tani nëna e të voglit Hugo Guilherme, e cila udhëhoqi nismën që çoi në ndryshimin e ligjit. Ligji portugez i riprodhimit të asistuar daton në vitin 2006 dhe ndalonte fekondimin me material gjenetik nga një dhurues i vdekur.
“Sot bota jonë u bë më e ndritshme, Guilherme lindi në orën 11:09 me 3,9 kilogramë e 50,5 centimetra”, njoftoi Ângela Ferreira në rrjetin social Instagram.
Angela Ferreira, postoi një foto të djalit të saj, dhe gjithashtu një homazh për burrin e saj të ndjerë.
“Faleminderit dashuria ime që më zgjodhe mua për këtë ëndërr. Të dua sot dhe gjithmonë”. Ajo vazhdoi: “Tani do të izolohem në këtë flluskë dashurie dhe do ta shijoj sa më shumë që të mundem. Mund dhe ndoshta duhet të them më shumë, por tani dua ta shijoj këtë dashuri të pafund”.
