Një burrë, i cili ishte personi i dytë në botë që mori transplantin e zemrës të rritur brenda një derri, ka vdekur 40 ditë pas procedurës.
Lawrence Faucette, 58 vjeç, dukej se ishte i shëndetshëm muajin e parë, por më pas trupi i tij shfaqi shenja refuzimi ditët e fundit dhe vdiq të hënën, sipas mjekëve në Maryland.
Faucette ra dakord për operacionin eksperimental dhe mori një zemër derri të modifikuar gjenetikisht më 20 shtator.
Gruaja e tij, Ann ka treguar se bashkëshorti i tij nuk e kishte imagjinuar të jetonte aq shumë. Ai e dinte që jetës së tij i kishte ardhur fundi, prandaj provoi këtë shans.
Një kirurg që udhëhoqi transplantin në Qendrën Mjekësore të Universitetit të Maryland tha të martën se “dëshira e fundit e zotit Faucette ishte që ne të përfitonim sa më shumë nga përvoja jonë në këtë ndërhyrje”.
Mjekët e Maryland kryen transplantin e parë në botë të një zemre të rritur brenda një derri vitin e kaluar. Bennett jetoi për dy muaj para dështimit të zemrës. Në zemër u gjetën shenja të virusit të derrit, por arsyeja e vdekjes së tij nuk është përcaktuar plotësisht.
Vdekja e Faucette ishte një goditje për shkencëtarët që shpresonin se mund të ndihmonin në shpëtimin e jetëve mes mungesës së dhurimeve të organeve njerëzore.
“Xenotransplantet”, emri për transplantet e organeve nga kafsha te njeriu, kanë qenë të pasuksesshme për dekada pasi sistemi imunitar i njeriut shkatërron indet e huaja. Shkencëtarët shpresonin se modifikimi gjenetik i pjesëve të derrit për t’i bërë ato më shumë si organe njerëzore, do të funksiononte.
Faucette, ishte baba i dy fëmijëve dhe veteran i Marinës. Në mes të tetorit, spitali publikoi pamjet e Faucette duke bërë terapi fizike në përpjekje për të ecur përsëri.
