Superylli i Bollywood-it Sridevi Kapoor ka ndërruar jetë në moshën 54-vjeçare pas një ataku në zemër, tha familja e saj sipas BBC.
Aktorja e njohur thjeshtë si Sridevi ishte me familjen e saj në Dubai për dasmën e nipit të saj kur u godit nga ataku në zemër.
Ajo ka luajtur prej pesë dekadash në më shumë se 300 filma indianë, përfshirë “Mr India”, “Chandni”, “ChaalBaaz” dhe “Sadma”, shkruan tv klan.al
Që prej moshës 4-vjeçare ajo ka luajtur në filma si “Tamil”, “Telugu”, “Malayalam”, “Kannada”.
Pas publikimit të lajmit për vdekjen e saj, grupe të mëdha fansash u mblodhën para shtëpisë së saj në Mumbai.
Figura të famshme të Bollywoodit dhe liderët politikë reaguan të shokuar.
Kryeministri indian Narendra Modi shprehu hidhërimin e thellë pas marrjes së lajmit me një postim në Twitter, ndërsa Presidenti Ram Nath Kovind tha se vdekja e aktores kishte lënë miliona mbështetës me zemër të thyer.
Ngushëllimeve u është bashkuar edhe kryebashkiaku i Londrës me origjinë nga Pakistani, Sadiq Khan, i cili e kishte takuar aktoren e famshme gjatë vizitës së tij të fundit në Indi.
