Një vajzë 17-vjeçe është gjetur e pajetë në tualetin e shkollës në Fier. Ngjarja e rëndë ka ndodhur mesditën e sotme në një shkollë profesionale në qytetin e Fierit.
Mësohet se viktima është A. R 17 vjeçe e cila studionte për degën e dizanjit.
Burime nga policia thotë se në trupin e vajzës nuk janë konstatuar shenja dhune dhe dyshohet se vdekja mund të ketë ndodhur nga ndonjë helmim ose problem shëndetësor. Gjithsesi ekspertiza do percaktoje shkakun e sakte te vdekjes.
Njoftimi i policisë
Më datë 06.03.2017, ora 14:40, njoftohemi se në Spitalin Rajonal Fier ka shkuar e vdekur nxënësja A.R, 17 vjeç, nxënëse e shkollës profesionale “Murialdo”.
Nga hetimi paraprak i ngjarjes rezulton se nxënësja A.R ka shkuar në tualetin e shkollës dhe nuk ka dalë prej andej për një kohë të gjatë.
Më pas kanë shkuar për kontroll personeli i shkollës dhe disa nga shokët e klasës dhe rreth orës 14:25 e kanë gjetur nxënësen të shtrirë në dyshemenë e tualetit, kanë lajmëruar ambulancën dhe e kanë nisur për në spital.
Nga këqyrja nuk janë konstatuar shenja dhune në trup.
Mjekësia ligjore do të ndihmojë në përcaktimin e shkaqeve të vdekjes.
Hetimet vazhdojnë për sqarimin e rethanave të kësaj ngjarje.
