“Maradona është më i madh se Pelé. Madje, tani që edhe Lionel Messi fitoi Kupën e Botës, e ka kaluar legjendën braziliane në garën për futbollistin më të mirë të historisë”.
Në Argjentinë janë të bindur se kanë dy emrat më të mëdhenj të sportit dhe nuk ngurruan ta shpalosin, duke provokuar kundërshtarët e debatit të pafundëm. Një prej televizioneve argjentinas të lajmeve, Cronica TV, e raportoi ndarjen nga jeta të Pelé me një titull tejet të debatueshëm: “Lamtumirë Pelé, lojtari i tretë më i mirë në histori”.
Debati se cili është më i madhi i futbollit vijon prej disa dekadash dhe ai nuk përfshin vetëm brazilianët apo argjentinasit, por ka marrë përmasa globale.
