Një fëmijë i i vogël (15 muajshme) ka ndërruar jete mbrëmë në Durrës në rrethana ende të paqarta. Siç bëri të ditur policia, rreth orës 02.30 të ditës së sotme, në urgjencën e spitalit të Durrësit është dërguar nga prindërit foshnja me iniciale N.A., 15 muajshe, banuese në Fllakë të Durrësit.
Por ajo çka i shton dyshimet është se fëmija tre ditë më parë (konrektisht të dielën) ishte paraqitur në spital dhe mjekët u kishin thënë prindërve se po kalonte një virozë. Në këto kushte prindërit janë kthyer në shtëpi ku kanë ndjekur udhëzimet e mjekut për trajtimin e vajzës.
Ndërsa vajza po ndiqte mjekimin, natën duke u gdhirë e marta, prindit kanë konstatuar përkeqësimin e saj, duke e dërguar në spital, por që mendohet se vogëlushja kishte ndërruar jetë qysh në banesë. Nuk dihen ende shkaqet e vdekjes së saj, ndërkohë që po hetohet për zbardhjen e plotë të ngjarjes. /Opinion.al
