Lefter Ballabani, mik fëmijërie i Helidon Klosit, mjekut që u ndalua nga policia në lidhje me ngjarjen e rëndë të ndodhur dy ditë më parë në maternitetin ‘Koço Gliozheni’ në kryeqytet ku humbi jetën një 35 vjeçare shtatzënë, ka reaguar duke hedhur poshtë akuzat që rëndojnë ndaj mikut të tij.
Me anë të një statusi në rrjetin social ‘Facebook’, Ballabani thekson se Helidoni është një profesionist dhe se nuk mund të akuzohet për neglizhencë dhe paaftësi. Teksa thekson se nuk e di me saktësi atë çka ka ndodhur, ai pohon se ‘Dr. Helidonit në befasi i ka ‘shpërthyer’ një bombë në duart e tij’, duke shtuar se miku i tij nuk është nga ata mjek që i shikon pacientët “si fillim nga duart”.
Ngjarja e rëndë ndodhi në datën 16 shtatori, ku pas komplikacioneve me shëndetin gruaja shtatzënë Aida Çajka humbi jetën, bashkë me foshnjën në bark. Sakaq, sot Prokuroria e Tiranës zbardhi akuzën ndaj dy mjekëve te ndaluar, për ‘mjekim të pakujdesshëm’. Organi i akuzës deklaroi se mjekët Helidon Klosi dhe Dritan Decka pavarësisht gjendjes së rëndë, e kanë dërguar pacienten për një kontroll në QSUT për konsultë kardiologu.
STATUSI I PLOTË
Une e njoh Dr. Helidon Klosi (mjekun e ndaluar nga prokuroria per humbjen e jetes te nje guaje shtateze). E njoh dhe pretendoj se e njoh mire. I njoh familjen, prinderit. Jam rritur me te. Ai dhe familja e tij kane qene dhe jane shembull i qytetarise, i njerezise dhe i profesionit.
Te gjithe e njohin Dr.Klosin, babain e Helidonit qe i sheronte pacientet e pashprese. Njoh nenen e tij, nje grua fjalepak dhe familjare shembullore, femijet e se ciles shembellenin ne qytetin tim. E kush nuk i njeh ata, qofte edhe me nje kontakt te vetem, qe rrezatonin miresi.
Ja nga kjo familje vjen dr. Helidoni , i cili si profesionist i shkelqyer dhe i afte fitoi besimin e shume nenave e grave te cilat edhe kur e mori Tirana si mjek te afte shkonin tek ai dhe ai u sherbente perseri.
