Duket se lufta mes Murinjos dhe Pogba vazhdon ende, pavarësisht largimit të trajnerit nga drejtimi i skuadrës angleze të Mançester Junajtid.
Në fakt, pas shkarkimit Murinjo është angazhuar si opinionist i sportit në kanalin “Bein Sport”, por edhe në këtë angazhim të ri nuk i ka harruar inatet e vjetra.
Ditën e sotme ai ishte i ftuar të fliste mbi ndeshjen mes Arsenalit dhe Çelsit dhe ka hedhur disa kunja drejt Pogbasë, me shumë gjasa.
“Kur stërvis dua të ndihem i lirë dhe dua të mund të kritikoj këdo nëse është e nevojshme. Një futbollist, ndër të tjera në mënyrë shumë të edukuar më kërkoi që ta qortoja vetëm në mënyrë private dhe kurrsesi jo në sy të të tjerëve. Kur e pyeta për arsyen, ai mu përgjigj se në atë mënyrë do të humbiste statusin që kishte përballë futbollistëve të tjerë”.
Kështu tha Murinjo duke lënë të kuptojë që ndoshta këto fjalë ishin për Pogba, që gjithashtu nuk ka lënë pa e komentuar trajnerin edhe pas largimit nga skuadra.
