Në orët e para të mëngjesit, një 35 vjeçare nga Vau i Dejës u dorëzua në polici ku rrëfeu se kishte kryer një vrasje. Gruaja, e quajtur Mirela Buzali tha se kishte vrarë burrin e saj kur ky ishte në gjumë. Vrasjen e kishte kryer me një sopatë, me të cilën kishte goditur të shoqin.
Sipas të dhënave paraprake bëhet e ditur se çifti jetonte në Barbullush.
Mirela Buzalli u dorëzua në polici në gjendje shumë të rënduar psikologjike.
Menjëherë pas dorëzimit të gruas është ngritur grupi hetimor i cili ka shkuar në banesën e çiftit Buzalli dhe ka nisur hetimet.
Ngjarja e rëndë ka ndodhur në dhomën e çiftit dhe sipas dyshimeve paraprake shkak mund të jetë bërë ndonjë konflikt që çifti ka pasur kohëve të fundit, megjithatë policia ka nisur pyetjen e anëtarëve të familjes.
