Një tjetër vatër zjarri është regjistruar ditën e sotme në vendin tonë. Këtë herë flakët janë konstatuar mbi fshatin Guras në Pogradec. Aktualisht dyshohet për një zjarrevënie të qëllimshme.
Në vendngjarje momentalisht po përballen me flakët 3 automjete zjarrfikëse banorë të zonës dhe punonjës të Njësisë administrative Bucimas.
Flakët e shumta ende nuk janë vënë në kontroll dhe rrezikojnë të përhapen në një pjesë të kurorës së qytetit.
Momentalisht për shkak të terrenit të vështirë dhe erës që favorizon flakët situata nuk po mund te vihet ne kontroll.
Kjo është vatra e 2 e zjarrit në qarkun e Korçës ndërsa më e rëndë situata aktualisht është në zonën e Lozhanit në Maliq.
