Petrit Vasili i ka cilësuar zgjedhjet e 13 Tetorit si zgjidhjen e vetme për situatën në Shqipëri.
Numri dy i LSI e cilëson 30 qershorin si “faqe e zezë në historinë e Shqipërisë” dhe dënon bojkotimin që anëtarët e KQZ i bën dje mbledhjes ku ishte parashikuar të shqyrtohej kërkesa e opozitës në lidhje me organizimin e zgjedhjeve më 13 tetor.
“Zgjedhjet ne 13 tetor janë zgjidhja e vetme, shpëtimi i vetëm dhe askush që do Shqipërinë nuk mund dhe nuk i lejohet që t’i shmanget kësaj rruge që shpëton shqiptarët nga skamja ekonomike dhe izolimi shkatërrimtar
KQZ-ja rilindase, si një kamikaze e vërtetë rrëzon dekretet e Presidentit dhe bojkoton edhe detyrën e ngarkuar me ligj për të organizuar zgjedhjet, bile KQZ rilindase bojkoton marrëzisht edhe veten duke mos marrë pjesë në mbledhjet e saj, ku ka detyrim të jetë e të shprehë qëndrimin e saj për kërkesën e opozitës që KQZ të kryejë detyrën për organizimin e zgjedhjeve në 13 tetor. Arsyeja e vetme që KQZ bojkoton është se rilindja nuk pranon zgjedhje ku ka garë të vërtetë, por kërkon e zhvillon vetëm votime ku konkurron me vetveten, voton po vetë, numëron vetë dhe shpall rezultatet vetë” shkruan Vasili në Facebook.
Nënkryetari i LSI thekson se opozita është e vendosur tashmë të marrë pjesë në zgjedhjet e 13 pasi sipas tij vetëm kështu mund të nisë zgjidhja politike e cila është objektiv i patjetërsueshëm për opozitën.
“Opozita eshte me vendosur kurre qe vetem permes pjesmarrjes se saj ne zgjedhjet e 13 tetorit fillon zgjidhja e rendesishme politike per vendin qe ndodhet ne momentin me kritik dhe ky objektiv eshte i patjetersueshem”. /Opinion.al
