Kreu i grupit parlamentar të LSI-së Petrit Vasili ka kërkuar një psikiatër për Edi Ramën. Përmes një shënimi në Facebook, Vasili shkruan se duhet ‘t’ia lemë në dorë punën psikiatërve’. Më tej, ai ironizon edhe postimin e Edi Ramës, të bërë në mesnatë e duke shkruar ‘mirëmëngjes’.
Ja çfarë shkruan Petrit Vasili në Facebook:
Kryeministri përshëndet në mesnatë me det kur Shqipërinë e mori lumi.
Bëjini një derman këtij kryeministrit tonë.
Shqipëria është në hall nga përmbytjet dhe mijëra familjeve u kërcënohet prona dhe jeta dhe ky i përshëndet në fb në mes të natës me foto nga deti në behar.
Ky kryeministri e thotë shqeto “bëjini dermanin vetë vetes, se unë kam qejfin tim”.
Në këtë situatë që ndodhet ky kryeministër që s’di ç’flet dhe që na thotë në mes të natës mirëmëngjesi me det kur shqiptaret i mori lumi, politika të bëjë pak mënjanë dhe t’ia lërë në dorë punën psikiatërve.
