Petrit Vasili ka komentuar sot deklaratën e ambasadorit amerikan Donald Lu, i cili tha se “Shqipëria mbështeti arrestimin në Turqi të Met Kananit, trafikant droge, ndërsa tani duhet të kapen Klement Balili dhe Arbër Cekaj. Ndërsa kreu i grupit të LSI, Petrit Vasili thotë se emrat e peshqve të mëdhenj që përmend ambasdori, janë të gjithë me lidhje me kryeministrin. Duke qenëse Vasili përdor fjalën turke “Adham’ut, lidhja që mund të bëhet është për trafikantin ndërkombëtar Met Kanani.
“Adham’uti kryeminister dje ne parlament kishte merak te madh qe te kishte emra konkrete per perfshirjen ne trafiqe dhe veprimtari kriminale. Donald Lu foli sot qarte dhe me emra konkrete.
Te gjithe emrat qe permendi Lu jane te Adham’utit. Adham’uti eshte i kapur dhe nuk ben shtet vetem zhben shtetin”, shkruan Vasili në facebook.
Deklarata e ambasadorit Lu
Për dekriminalizimin, gazetarë të guximshëm ishin të gatshëm të shkruanin për Arben Ndokën, Elvis Rroshin, Mark Frokun, Aqif Rakipin, Shukri Xhelilin, Koço Kokëdhimën dhe Dashamir Tahirin. Falë këtyre gazetarëve, këta politikanë nuk janë më në Kuvend apo bashkitë.
Për zgjedhjet e vitit të shkuar, OJQ-të shqiptare luajtën një rol të rëndësishëm në vëzhgimin e zgjedhjeve, por edhe në monitorimin e marrëveshjes së 18 majit, që solli kaq shumë ndryshime të ndërlikuara administrative në javët përpara zgjedhjeve.
Cila është sfida kryesore sot? Do të isha shumë i lumtur nëse shoqëria civile do na bashkohej në thirrjen për arrestimin dhe ndjekjen penale të peshqve të mëdhenj kriminelë.
Shqipëria ka mbështetur kapjen e një peshku të madh, trafikantit të drogës, Met Kanani, që u arrestua në Turqi më 22 mars. Urdhëra arresti janë lëshuar edhe për dy trafikues të tjerë të mëdhenj, Klement Balili dhe Arbër Cekaj, por ata duhet të kapen.
Kryebashkiaku Fran Frrokaj dhe ish-kryebashkiaku Elvis Rroshi po ndiqen penalisht. Hetimet po vazhdojnë ndaj Saimir Tahirit dhe Adriatik Llallës. Asnjë nuk është mbi ligjin. Mirëpresim faktin që Z. Tahiri do të përballet me drejtësinë si qytetar i zakonshëm pa imunitet.
OJQ-të dhe gazetarët shqiptarë duhet të punojnë për të ndihmuar publikun të kuptojë pse këta persona janë kaq të rrezikshëm dhe të ngrejnë pritshmëritë se së shpejti do të arrestohen dhe ndiqen penalisht.
Së fundi, nëse mund të nxisim politikanët dhe prokurorët që më në fund të heqin pandëshkueshmërinë ndaj këtyre kriminelëve, atëherë Shqipëria do të ketë një të ardhme shumë të ndritur. Një të ardhme në Bashkimin Evropian. Një të ardhme pa trafik droge. Një të ardhme në të cilën qytetarët e zakonshëm nuk kanë më frikë nga korrupsioni apo krimi i organizuar.
/Opinion.al
