Autoritetet shëndetësore të Greqisë kanë njoftuar se janë konfirmuar 4 persona me variantin e ri të COVID-19 i cili fillimisht u zbulua në Britaninë e Madhe.
Rastet u identifikuan gjatë një inspektimi nga Instituti për Kërkime Mjekësore dhe Bioteknologjike të Akademisë së Athinës.
Lloji i ri i koronavirusit u zbulua në testet që iu dorëzuan pasagjerëve të një avioni që mbërriti nga Britania. Regjistrimi i 4 rasteve me variantin e ri COVID-19 do mund të sjell masa kufizuese më të rrepta.
Në çdo rast, të gjitha të dhënat do të merren parasysh në mbledhjen e nesërme të Komitetit të Ekspertëve, ku do të merren vendime në lidhje me hapjen e shkollave më 11 janar. Mutacioni i ri i Covid-19 karakterizohet nga një transmetueshmëri shumë e lartë.
Në 24 orët e fundit në Greqi kanë humbur jetë 36 persona nga koronavirusi, ndërsa janë konfirmuar 390 raste të reja./ Opinion.al
