TIRANË- Kreu i PBDNJ Vangjel Dule ka thënë se tashmë nuk është në koalicion qeverisës. “Në qoftë se ne jemi distancuar nga koalicioni qeverisës është pikësëpari një koalicion që dështon në prioritetet e veta strategjike”, u shpreh ai në një intervistë për TCH.
I pyetur për takimin e djeshëm më liderin demokrat, Lulzim Basha, Duke tha se “në këtë takim kortezie nuk mund të mbetej jashtë kuadrit edhe shkëmbimi i mendimeve në lidhje me reformën në drejtësi, reformën zgjedhore dhe çështje të tjera të cilat preukopojnë realitetin”.
Vangjel Dule nuk nxitohet ta quajë fillimin e një bashkëpunimi, takimin me Lulzim Bashën.
Megjithatë Dule nuk e ka parë si pengesë për të qenë pjesë e koalicionit opozitar afrimin e një partie nacionaliste si ajo e Kreshnik Spahiut me Partinë Demokratike.
