Vangjel Tavo ka marrë zyrtarisht mandatin nga Komisioni Shtetëror i Zgjedhjeve , i cili i hapi rrugë edhe betimit të tij në Këshillin Bashkiak të Himarës.
Humbja e opozitës që kërkonte përsëritje zgjedhjesh në çdo hallkë ankimore i dha dritën jeshile KQZ për të certifikuar fituesin e betejës së 4 gushtit.
“Vendos dhënien e mandatit të Kryetarit të Bashkisë Himarë, Qarku Vlorë z. Vangjel Tavo, i propozuar nga subjekti zgjedhor “Partia Socialiste e Shqipërisë”, për zgjedhjet e pjesshme për Kryetar të Bashkisë Himarë të datës 4 gusht 2024”, tha Celibashi.
Kundër vendimit të Komisionerit Celibashi, mund të bëhet ankimim në Komisionin e Ankimimeve dhe Sanksioneve brenda tri ditësh.
