Aktori i njohur i filmave aksion me arte marciale, Jean Claude Van Damme ka falënderuar futbollistin Adnan Januzaj i cili shënoi për Belgjikën në ndeshjen me Anglinë.
Van Damme me origjinë belge shkruan për lojtarin kosovar, që mbron ngjyrat e Belgjikës.
“Një falënderim i madh për Adnan Januzaj i cili shënoi golin e fitores në Botëror për Belgjikën”, ka shkruar aktori i madh, Van Damme.
Por jo vetëm kaq. Van Damme ka bërë shqiponjën me duar, gjest i diskutuar shumë kohët e fundit pas golave me shqiponjë të Xhakës e Shaqirit, për të cilën u gjobiten nga FIFA.
