Vaksinimi në Stadimun ‘Air Albania’ zhvendoset pranë qendrave shëndetësore nga data 1 Maj
Ministria e Shëndetësisë dhe Mbrojtjes Sociale ka deklaruar se shërbimi i vaksinimit pranë pikës së përqendruar në Stadiumin “Air Albania” në Tiranë, do të transferohet pranë qendrave shëndetësore.
Duke filluar nga data 1 Maj, ekipi i vaksinatorëve dhe mjekëve, do të jetë në shërbim pranë qendrave shëndetësore, aty ku do të vijojë vaksinimi antiCOVID.
Çdo qytetar mbi 12 vjeç, mund të vaksinohet në qendrën shëndetësore. Bazuar në rekomandimin e Komitetit të Ekspertëve të Vaksinimit, do të vijohet edhe me vaksinimin me dozë të katërt të qytetarëve mbi 60 vjeç dhe atyre me sistem imunitar të kompromentuar, 4-6 muaj pas dozës së tretë, sipas rekomandimit të mjekut të familjes.
