Kanë nisur testimet e para klinike të një vaksine kundër Covid19 në hemisferën jugore. Vaksina e quajtur NVX-CoV2373 është prodhuar nga kompania amerikane e bioteknologjisë, Novavax dhe po testohet në Melburn të Australisë.
Novavax tha se faza e parë e testimit klinik ka nisur në 130 pjesëmarrës të shëndetshëm, të moshës 18 deri në 59 vjeç.
Zyrtarë shtuan se në korrik priten rezultatet paraprake mbi efektivitetin dhe sigurinë e saj.
Faza e dytë pritet të zhvillohet në disa vende, përfshirë Shtetet e Bashkuara, dhe të vlerësojë imunitetin, sigurinë dhe reagimim e sëmunjdes që e shkakton koronavirusi, COVID-19, në një gamë më të gjerë të moshave.
Eksperimenti i Novavax-it përdor atë që quhet teknologji nanopartikulesh rikombinuese.
Ka më shumë se 100 vaksina që po zhvillohen në të gjithë botën, dhe disa prej tyre kanë filluar testimin tek njerëzit. E para është ajo e zhvilluar nga shkencëtarët në Oksford e ndjekur më pas nga vaksina amerikano-gjermane që po testohet në SHBA. /Opinion.al
