Pas ngjarjes së rëndë të ndodhur në një kopsht privat, ku një vajzë tre vjeçare përfundoi në spital me këmbë të thyer, pas dhunës së ushtruar, qytetarët janë mbledhur në protestës para ambienteve të kopshtit “Stinët”.
Me pankarta në duar, prindër të fëmijëve, kanë protestuar duke kërkuar zbardhjen e rastit dhe duke u shprehur se duhet të merren masa të rrepta ndaj edukatoreve dhunuese, që të shërbejnë si shembull për mos përsëritje të rasteve.
Për rastin në fjalë, policia ka shoqëruar edukatoren Majlinda Dehima në komisariat, rreth 6 ditë pas ngjarjes, ku e mitura u dhunua dhe më pas u shtrua te Trauma për shkak të thyerjes së këmbës.
