Edukatorja e cila është shoqëruar në polici për dhunën ndaj fëmijës 3 vjeçar është marrë në pyetje dhe gjatë dëshmisë së saj ka deklaruar se e ka goditur me vizore jo për ta dëmtuar, por për ta bindur të marrë pjesë në mësim.
Sipas saj, ndryshe nga fëmijët e tjerë ajo nuk kishte vëmendjen dhe nuk po përfshihej në mësim. Nga ora 12 e 30 ajo thotë se e ka dërguar për të fjetur gjumë dhe nuk ka pas shqetësime.
Pasi ka fjetur për rreth 2 orë e gjysmë është zgjuar dhe i ka shprehur shqetësime se ndjente dhimbje. Aty më pas është kuptuaë që kishte të dëmtuar këmbën dhe pretendon se vajza mund të jetë dëmtuar tek krevati, pasi në krevat ka hapësira. Ajo gjithashtu është shprehur se ka vënë në dijeni drejtoreshën.
Pas disa orësh shoqërim ajo vijon të jetë në ambientet e Komisatiatit nr 1. Shërbimet e Policisë ende nuk i kanë caktuar masë ndaluese apo ta lirojnë për shkak se pritet konsultimi dhe me prokurorin e çështjes.
