Tronditje gjatë emisionit direkt në studion e emisionit “Me zemër të hapur” në “News 24”.
Lindita Lamajt, nëna e cila prej disa emisionesh ka denoncuar zhdukjen e vajzës së saj drejt Italisë, pasi ka braktisur fëmijën 16 muajsh dhe kërkonte ndihmë, se thotë se atë po e shfrytëzojnë prostitutë ka rënë pa ndjenja përtokë në studio.
Gjithcka ndodhi pas një telefonate live në studio dhe mesazheve të dërguara nga e bija, që i kërkon drejtueses së emisionit “të mos merren më me këtë cështje pasi nëna është e çmendur”, dhe ndërkohë që në linjë u fut një mashkull nga burgu, që akuzon gruan se po vuan dënimin për faj të saj, pasi ishte ai i denoncuari për përdhunimin e vajzës kur ajo ishte 14-vjecare.
Kujtojmë se emisionin e shkuar, Lindita pranoi se vajza e saj ishte përdhunuar kur ishte 14-vjeçare, por ajo nuk e njihte dhunuesin. Ajo tha se vajza e kishte kërcënuar se do helmohej, nëse nëna do denonconte ngjarjen.
Mesazhet e vajzës
Pas denoncimit të martën në emision, Ermira, e cila ka lënë në Shqipëri edhe një fëmijë 6 muajsh ka telefonuar gazetarët dhe iu ka thënë se është në Itali dhe se nuk do të kthehet tek nëna e saj, duke e akuzuar atë për dhunë dhe për sjellje të keqe.
Ermira, vajza e ‘zhdukur’
Deklaratat e vajzës, i janë thënë nënës gjatë emisionit të sotëm dhe për shkak të tronditjes, Lindita ka humbur ndjenjat për pak minuta.
Mesazhi 1
Ermira jam cupa e Linditës që më ka nxjerrë në emisionin tuaj si e humbur, hiqeni si rast ju lutem .
Mesazhi 2
Ajo është një nënë e cmendur dhe po më degjeneron me këto që po më bën. Unë jam mirë dhe jetojë mirë këtu ku jam.
Mesazhi 3
Ajo më ka braktisur duke më lënë nëpër komshinj dhe vetë bridhte rrugëve të Europës.
Telefonuesi Mentor Hoxhallari:
Hoxhallari: E njoh shumë mirë zonjën dhe Ermirën. Jam nga Korça me origjinë, rri në Fier, ndodhem në burg për faj të tyre, unë jam i pafajshëm. Unë e kam takuar njëherë Ermirën vetëm, te shkolla dhe kaq. Pastaj, cdo takim 3-4 herë kam qenë me zonjën Lindita në kafe me të, atëherë Ermira ka qenë 14-vjece.
Lindita ka dashur që unë ta merrja Ermirën për grua që ditën e parë të takimit, unë u shkëputa dhe për inat ajo më denoncoi, ka shkuar Lindita te familja ime për presion. Kur unë nuk pranova dhe u shkëputa ajo për inat më denoncoi. Në gjykatë ato të dyja pranuan se unë nuk kam kryer marrëdhënie seksuale me Ermirën, nuk kam abuzuar seksualisht me të. Gjykata nuk e mori parasysh dhe për fajin e tyre unë po vuaj dënimin me 10 vjet burg. I bëj thirrje ministrit Manjanit ta shikojë cështjen time.
