Femrat, veçanërisht vajzat e reja shqetësohen tej mase për paraqitjen e jashtme, duke qënë ndonjëherë më kritike se ç’duhet.
Por nuk ka asnjë trup të “përsosur”. Tentimi për figurën e përsosur trupore vetëm ju dëshpëron duke humbur kohë dhe asnjëherë nuk arrini rezultatet e dëshiruara.
Studimet sugjerojnë se njerëzit që hanë çfarë të dëshirojnë dhe ndalojnë vetëm kur të ngopen, kanë më pak gjasa të kenë probleme në peshë. Ushqimi nuk duhet të jetë privim, por një privilegj i ndërgjegjshëm.
Askush nuk do të ju vërejë nëse shtoni ose humbni pak në peshë. As ju nuk duhet ta vëreni!
Ushqimi dietal është më i keqi. Askush nuk mund ta përballojë dietën strikte kundrejt ndonjë ushqimi të mirë.
Askush nuk mund të tolerojë ndalesën e ndonjë ëmbëlsire të shijshme. Pse të mos gëzoheni edhe ju gjatë ndonjë feste me miq apo familje!
Ndonjëherë keni dëshirë të argëtoheni me ndonjë koktel të ëmbël. Çdo libër i dietave ua kufizon pirjen e vetëm një gote verë ose vodka, por ndonjëherë keni nevojë ta qerasni vete.
Mos harroni se standardet tuaja për arritjen e bukurisë perfekte janë të ndikuara kryesisht nga Holivudi – një vend që është tërësisht i çmendur. Aktorët vdesin urie vetëm që të realizojnë ndonjë rol në filmat e tyre, por ju nuk duhet ta ndjekni këtë. Bëhuni vetvetja dhe mos imitoni të tjerët.
Keni aq shumë arritje saqë mund të mburreni me to. Keni arritur një vend pune, keni arritur promocion në punë për një kohë të shkurtë, keni para vetes partnerin më të dashur, çfarë tjetër dëshironi?
Gëzojuni gjërave të mira e mos u shqetësoni për pamjen tuaj.
