Vajza e mbretit të ndjerë të muzikës pop, Michael Jackson ka folur për herë të parë që prej vdekjes së të atit, shtatë vjet më parë.
18 vjeçarja Paris Jackson beson se vdekja e babait të saj nuk ka qenë aksidentale.
Kujtojmë se këngëtari u gjet i vdekur me një sasi të madhe lëndësh narkotike të përziera në gjak, dhe doktori i tij Conrad Murray është dënuar me katër vjet heqje lirie.
Ndërkohë adoleshentja beson se të atin e saj e kanë vrarë.
“Ai kishte dhënë shenja. Besonte se një ditë do e vrisnin”- ka thënë Paris në një intervistë për “Rolling Stone”.
E pyetur nga revista se cilët kanë qenë njerëzit që e donin babanë e saj të vdekur, 18 vjeçarja ka thënë “Shumë!” dhe ka shtuar se ende po kërkon drejtësi.
“Kjo është një lojë shahu. Dhe unë jam duke u përpjekur për të luajtur lojën në rrugën e drejtë. Nuk mund të them më shumë gjëra tani për tani”- ka përfunduar ajo.
Paris Jackson ka rrëfyer gjithashtu një moment të vështirë të jetës. Sipas saj kur ishte vetëm 14 vjeç, ajo është abuzuar seksualisht nga një i panjohur.
Vajza e vetme e Michael Jackson ka treguar gjithashtu se shpesh herë ka menduar të vetëvritet dhe për ketë është dërguar në një shkollë terapeutike./ opinion.al
