Dokumentari “Landing Neverland” , i cili ka sjellë dëshmitë e dy djemve që janë shprehur se ylli i ndjerë i popit Micheal Jackson i ka ngamcuar seksualisht ka tronditur opinionin publik. Dy djemtë Wade Robson dhe James Safechuck kanë treguar në këtë dokumentar, i cili pritet të transmetohet këtë javë në Mbretërinë e Bashkuar, rreth abuzimeve seksuale që ylli i popit ka bërë me ta në moshë të vogël.
Përveç opinionit publik ky dokumentar ka shkaktuar tronditje edhe tek familja e Jackson, e sidomos tek vajza e tij Paris. Sipas “The Sun” Paris është në ankth se dokumentari do të shkatërrojë karrierën e saj si aktore.
“Ajo u shfaq në një film vitin e kaluar, por beson se dokumentari ka frikësuar regjisorët. E gjitha ka të bëjë me marketingun. Frika është se në çdo film që Paris mund të shfaqet, kur njerëzit ta shikojnë menjëherë do u kujtohet Michael dhe nuk do të duan ta shohin”,-është shprehur një nga miqtë e aktores së re.
Produksioni i fundit kinematografik ku Paris ka marrë pjesë për herë të fundit ka qenë në një komedi të vitit 2018 bashkë me emra të njohur si Charlize Theron, Amanda Seyfried etj./Xh.K/Opinion.al/
