Vajza e kryeministrit në rajonin e Ontarios në Kanada është fejuar me një shtetas me origjinë shqiptare.
Ka qenë ambasadori i Shqipërisë në Kanada, Ermal Muça, i ftuar në event, ai që ka publikuar fotot nga ceremonia.
Ajo çka bie në sy është torta e përgatitur me motive tradicionale shqiptare.
“Jetë të lumtur dhe me trashëgime John & Kyla!
Me kënaqësi iu përgjigjëm ftesës për të ndarë me çiftin e ri dhe familjarët, lumturinë e tyre në ceremoninë e fejesës. Së bashku me Almën, iu përcollëm urimet më të përzemërta Kryeministrit të Ontarios, Doug Ford dhe zonjës së tij për vajzën e tyre, si edhe familjarëve për çiftin e ri.
Biseda miqësore me të pranishëm, ndër të cilët anëtarë të parlamentit dhe qeverisë së Ontarios.
Faleminderit John dhe Kyla që përzgjodhët të prisni tortën e përgatitur me mjeshtëri nga shqiptaro-kanadezët duarartë Bruna dhe Adi Brari, European Patisserie, me motive tradicionale shqiptare.
Mirënjohës veçanërisht për John, i cili krenar për origjinën e bëri Shqipërinë pjesë të fjalës së tij dhe ftoi të pranishmit të shqiptonin: Faleminderit!”-shkruan Muça.
