Elona, vajza e shkrimtarit Dritëro Agolli ka përlotur miqtë e saj në Facebook, me anë të një statusi ku rrëfente momentet e vështira që ishe duke kaluar i ati prej sëmundjes.
Megjithëse ndodhet në Londër, mendjen e ka tek i ati. Në statusin e saj ajo ka treguar se si shkrimtari po lufton me errësirës, ndërkohë që pret dritën.
Elona ka shkruar madje se do të jepte jetën e saj për të shpëtuar të atin.
Statusi i plotë:
“Babushi im më ndje; e di që ti në këtë orë lufton me errësirën, pasi ti e urren atë. Ti pret dritën. Unë jam me pjellën time tani, në një botë krejt ndryshe nga e jona, në një botë ku konsumohet e gëzohet;
e ndërsa ti, i përhumbur mendon sesi do të jetë ajo botë e përtejme, ku mbizotëron errësira, ajo çka vështirë për ty si ateist, të mendohet e bukur dhe shpresëdhënëse.
Ati im më ndje; unë jam me Luelin e duhet të jem e gëzuar në sytë e tij, paçka se zemra pikon lotë, paçka se mendjen e kam tek ti.
Të dua shumë ati im. Nëse do të mund të dhurohej jeta, unë do ta jipja për ty; nëse do të mund të transferohej gëzimi, unë do të bëja çmos të të lumturoja. Sot të bleva një shishe bojë e një pompë për stilografin tënd.
Siç ma dhe porosinë para se të nisesha. Kur të kthehem, do të t’i tregoj dhe e di që do kënaqesh. Do mbushësh penën tënde, që aq ka gërvishur letrën e aq vargje e radhë ka shkruar. Të dua shumë Ati im”/ opinion.al
