Prej muajsh në heshtje, tashmë edhe në errësirë. Kjo është uzina e përpunimit të thellë të naftës në Ballsh e cila është pa pronar që prej muajit gusht. 4 muaj punonjësit tentuan ta shpëtonin duke kërkuar vëmëndjen e shtetit, por pa ia dalë dot. Ata nuk diskutojnë më pagat e prapambetura, por fatin e uzinës që është i lidhur direkt me fatin e familjeve të tyre.
Edhe kryebashkiaku i Mallakastrës bën thirrje për të shpëtuar uzinën.
Uzina e përpunimit të thellë të naftës në Ballsh u përball me një kolaps financiar përpara disa muajsh për shkak të taksave të papaguara. Bllokimi i llogarive bankare solli ndërprerjen e punës në pritje për të gjetur një bleres tjetër por pa sukses. Një paketë ndihme financiare nga qeveria shqiptare është përfolur si e vetmja rrugë parandaluar falimentimin e uzinës.
Tv Klan
