Me një vlerë prej 13 bilionë dollarësha, eroplanmbajtësja e Flotës Luftarake Amerikane ka shënuar një rekord më vete, ajo më e madhja dhe e më e shtrenja që ka parë ndonjëherë njerëzimi.
Përmasat e “USS Gerald Ford” janë marramendëse: Më shumë se 4.500 vetë do të gjenin vend aty, pra po aq sa do të jetonin në një qytet të vogël. Më shumë se 75 avionë është numri i atyre që mund të mbajë në bord kjo luftanije. Kur të mbarojë tërësisht realizimi i këtij projekti madhor, do të peshojë plot 90.000 tonë.
Për herë të parë në bordin e Ford-it, gjendet katapulta elektromagnetike për të dërguar në ajër menjëherë avionë luftarakë. Çdo 45 sekonda mund të qëllojë e të hedhë në erë një avion luftarak. Një veçori tjetër teknike e saj, duket se është radari: Si pamja e madhe kur e sheh, ashtu dhe detajet precize, i bashkon në një radar që i bashkon në një po ashtu dy funksione që dikur kanë qenë të ndara. Me gjithë madhësinë e përmasat e konsiderueshme, “USS Gerald Ford” sidoqoftë, nuk mund ta pretendojë për vete titullin si “anija më e madhe në botë”.
Anija ka marrë emrin nga Presidenti i 38-të të SHBA-së, Gerald R. Ford, shërbimi i të cilit në Marinën Amerikane gjatë Luftës së Dytë Botërore përfshiu detyrat luftarake në luftanijen e vogël aeroplanmbajtëse “Monterey” në betejat e Paqësorit. Skeleti i “Gerald R. Ford” u lëshua më 13 nëntor 2009. Ndërtimi i saj nisi qysh më 11 gusht 2005. Sipas planit, ajo pritet t’i bashkëngjitet Marinës Luftarake Amerikane në mars 2016 me detyrën e parë në vitin 2019. “Gerald R. Ford” do të zëvendësojë në Flotën Amerikane rolin dhe detyrat që luante “USS Enterprise”, e cila e ka pezulluar tashmë aktivitetin e vet qysh në vitin 2012, pas 51 vitesh në shërbim.
