Edhe pse nuk ka ende një njoftim zyrtar, mendohet se një grusht shteti po ndodh në shtetin afrikan të Sudanit, pasi ushtria ka rrethuar me njerëz dhe mjete ushtarake pallatin presidencial në Khartoum, i cili prej vitit 1989 është shtëpia e presidentit 75 vjeçar Omar al Bashir, dhe ka marrë gjithashtu edhe godinën e televizionit shtetëror.
Ushtria ka njoftuar krijimin e një qeverie tranzitore, ndërsa sipas burimeve ka arrestuar eksponentë të lartë të qeverisë, ndërsa ta edhe nënpresidentin e National Congress Party, Ahmed Haroun, ish nënpresidenti Ali Osman Taha dhe truproja e presidentit, si dhe aeroporti është deklaruar i mbyllur.
Tensioni ka arritur kulmin pas protestave të filluara në dhjetor, ku mijëra persona fillimisht kërkonin rritje minimale të kushteve të jetesës, dhe më pas iu rebeluan regjimit të Al Bashir, i cili ka 30 vite në pushtet.
Një deklaratë e rëndësishme në radio pritet nga një moment në tjetrin, dhe mediat mendojnë që mund të jetë njoftimi i rrëzimit të presidentit.
Organizata e profesorëve universitarë që ka nisur protestën, Sudan Professionist Association, ka thirrur të gjithë protestuesit përpara shtabit qendror të ushtrisë.
