Ministrja e Mbrojtjes Olta Xhaçka ka vizituar dy efektivët e kontigjentit EOD, të cilët u plagosën një ditë më parë në Letoni nga shpërthimi i një mine, ndërsa mbeti e vdekur efektivja Zarife Hasanaj.
Major Klodian Tanushi dhe rreshteri Julian Kapaj ndodhen të shtruar në spital për të marrë mjekimet e nevojshme.
Ministrja e Mbrojtjes është shprehur se gjendja e major Klodian Tanushit është e rënduar, ndërsa theksoi se ai është nën mbikëqyrjen intensive të mjekëve të spitalit universitar të Rigas.
“Efektivi i FA ndodhet nën mbikëqyrjen intensive të mjekëve”, sqaron Ministria.
Ndërkohë, gjendja shëndetësore e rreshterit Julian Kapaj është normalizuar dhe aktualisht ndodhet në spitalin e bazës ushtarake Camp Adazi në Letoni.
Ceremonia shtetërore e lamtumirës për nëntetaren Zarife Hasanaj do të zhvillohet gjatë paradites së të premtes më 10 maj 2019.
Trupi i efektivja Zarife Hasanaj, e cila mbeti e vdekur nga shpërthimi, pritet të mbërrijë në atdhe ditën e enjte, më datë 9, nëpërmjet një avioni ushtarak./ Opinion.al E.Xh.
