GJIROKASTËR- Arrestohen 3 doganier në Doganën Kakavije dhe një shtetas që dyshohet se futi mallra kontrabadë nga Greqia. Policia thotë se Edison Qose , 42 vjeç, banues në Shkozë të Tiranës u kap në aksin rrugor Kakavije –Tepelenë. Në automjetin e tij tip “”Fiat”, me targa AA 513 IU , u gjetën 1.3 ton mallra ushqimor, të cilat i kishte sjellë nga Greqia nëpërmjet Pikës Doganore Kakvije duke shmangur detyrimet doganore,duke i dhënë doganierit të turrnit shtetasit Ilirian Ymaraj shumën prej 200 Euro.
Doganierët e arrestuar
Ilirian Ymeraj , 42 vjeç, banues në Fier, me profesion doganier në pikën Doganore Kakavije,ky shtetas ka favorizuar kundrejt shumës 200 Euro shtetasin Edison Qosja ,duke iu shmangur detyrimit doganor.
Doganieri Ilirjan Ymeraj porsa ka marrë vesh për arrestimin e posëduesit të mallrave kontrabandë ka braktisur detyren dhe eshte larguar por eshte kapur gjate ndjekies nga Policia e Gjirokastres.
Islam Thana , 42 vjeç , banues në fshatin “Picar” ,Gjirokastër, me profesion doganier në Pikën Doganore Kakavije.
Eneida Çuçi , 35 vjeçe, banuese në Gjirokastër,me profesion doganiere në Pikën Doganore Kakavije.
Të dy këta shtetas janë ndaluar pasi dyshohet se kanë konsumuar elementet e vepres penale”Shpërdorim detyre” pasi kanë qënë në shërbim në Pikën Doganore Kakavije dhe me veprimet dhe mos veprimet e tyre kanë lejuar kalimin e automjetit me ngarkesë ushqimore prej 1.3 ton mallra ushqimor.
