Një ditë pas protestës së Partisë Demokratike, Bashkia e Tiranës ka vendosur ta gjobisë për të pestën herë. Ka qenë vetë kryebashkiaku Erion Veliaj, i cili nëpërmjet një statusi në Facebook, e ka quajtur protestën si “organizim i urinimit publik”, duke iu referuar një qytetari i cili dje urinoi në hyrje të godinës së kryeministrisë.
“PD gjobitet për të 5-ën herë për organizime të urinimit publik! Si dhe më parë, paratë do t’i merren direkt nga llogaria ! Imagjino ç’alternativë qeverisëse është një parti që i shpëton në brekë! Hipokrizia e “Mbro Teatrin” duket qartë tek ndërtesa e Gherardo Bosios”, shkruan Veliaj.
Në fletën e gjobës, punonjësi i Policisë Bashkiake e ka justifikuar me motivacionin: “Një nga protestuesit me kapuç në kokë, është shkëputur nga turma dhe ka urinuar përpara derës së kryeministrisë.” Gjoba në këtë rast është vendosur 20 mijë lekë të reja./Opinion.al
