Ne nje ide origjinale Artan Lame ka përdorur njohjet e tij të mira në histori, për të ideuar kartolinën e urimit në këtë vit. Eshtë një kartolinë, që më shumë se sa drejtuesin e Aluizn-it, përpiqet të përfaqësojë dhe vlerësojë institucionin.
Në një kolazh fotosh, që nisin me Shqipërinë e vitit 1914 dhe përfundojnë tek ajo e vitit 2015, Lame është përpjekur të paraqesë vuajtjet 100 vjeçare të shqiptare për të mbërritur tek prona dhe mirëqenia, permes premtimeve te pambajtura te drejtuesve.
“U bënë 100 vjet që Princi, Mbreti, Duçja, Komandanti, Doktori, Vizionari përpiqen t’ja mbushin mendjen atij, fshatarit të përjetshëm. Në fund ja besuan Aluizni-t t’ja zgjidhi hallin” shkruan Lame.
Por teksa përdor epitete dhe përcaktime të njohura për të gjithë njerëzit që kanë pushtuar apo drejtuar këtë vend, bie në sy fjala “vizionar” që Lame ka përdorur për Ramën.
Nëse Berishën të gjithë e njohin si Doktori, apo ish-diktatorin e njohin edhe si Komandanti, Vizionari ishte një përcaktim i ri në fjalorin e shqiptarëve.
Teksa në fillim u duk se e futi edhe Kryeministrin e tij në ironinë e përbashkët, duket se në fund Lame vendosi ta miklojë atë, paçka se Aluizni duhej të dilte në pah.
