Ish-deputeti i PD, Luçiano Bioçi është shprehur se kryeministri Edi Rama ka urdhëruar që të gjithë punonjësit që janë në administratë duhet të sjellin 30 persona për të votuar për zgjedhjet lokale.
Përmes një postimi në “Facebbok”, Boçi shprehet se kryeministri ka paralajmëruar se kush nuk e respekton këtë urdhër do të shkarkohet nga puna.
Postimi i plotë
RISIA E FUNDIT E RILINDJES
Pasi privatizoi zgjedhjet me vendimin e KQZ-së partisë, Rama ka shpikur një tjetër risi, për të shkuar si “dhi e zgjebosur, por me bishtin përpjetë” në 30 Qershor-in imagjinar të tij.
Ka urdhëruar që të gjithë ata që punojnë në administratë qendrore apo lokale, duhet të sjellin gjithsecili 30 veta në kutinë e votimit.
Kush nuk realizon planin shkarkohet nga puna.
Në vend që të vinin mend nga përgjimet e “Bild”, Rama&banda, kanë shkalluar fare.
Por një porosi kam, për këdo që ka marrë përsipër të realizojë këtë kërkesë absurde, për të ruajtur “bukën e fëmijëve”:
Mos u përfshini në krimin elektoral të Ramës!
Rrini të qetë.
Zgjedhje në 30 qershor nuk ka!/ Opinion.al E.Xh.
