Tre punonjës policie janë shpallur në kërkim pasi ndaj tyre janë lëshuar urdhër-arreste nga SPAK në lidhje me operacionin e sotëm për goditjen e grupeve kriminale.
Një prej tyre është Altin Morina, ish-efektivi i RENEA-s i cili u arrestua në mars të vitit 2023, pasi në makinën me të cilën po lëvizte iu gjetën 113 mijë euro.
43-vjeçari, me detyrë në atë kohë shef i Repartit të Stërvitjes tek Forcat RENEA, u prangos në zonën e Kodrës së Diellit, teksa lëvizte me këtë automjet luksoz.
Paratë të prerjeve 50, 200 dhe 500 euro u gjetën poshtë sediljes së parë të mbështjella me një qese marketi.
Para uniformave blu Morina është shprehur se nuk ka kryer asnjë vepër penale pasi sipas tij paratë janë të ligjshme dhe janë tërhequr në bankë.
Sipas Morinës paratë sapo i kishte marrë nga një mik i tij biznesmen në zonën e Kodrës së Diellit kur ndërhyri policia, e cila e kishte survejuar pas sinjalizimeve të marra në rrugë operative.
Një muaj më vonë ai u la i lirë.
