Kur data 1 janar po afron, Bashkia e Tiranës dhe operatorët e shërbimit urban në kryeqytet, kanë intensifikuar bisedimet për sa i përket një marrëveshje të mundshme për rritjen e çmimit të biletave.
Por a do rritet çmimi i biletës? Përmes një prononcimi për shtyp pas takimit me operatorët e transportit publik në kryeqyytet, nënkryetari i Bashkisë Arbër Mazniku tha se ende vijonë negociatat mes dy palëve megjithatë shtoi ai nuk po diskutojmë që çmimi i biletës të shkojë 70 lekë.
Por për sa po diskutohet? Dhe a është kërkesa 70 lekë, një bllof i operatorëve për të përfituar një biletë 50 lekë nga 30 lekë që është aktualisht?
Në fjalën e tij Mazniku tha se transporti publik duhet të plotësojë 3 kushte kryesore që të mund të jetë e lirë të kërkojë rritje çmimi ndër të cilat janë:
“Shtrirjen e rrjetit në të gjithë qytetin. Modernizimin e sherbimity nga cilësia te shpejtësia. Futja e biletave elektronike. Vetem kur keto tre gjera të bëhen realitet për tio shërbyer qytetarëve do fillojmë të diskutojmë çmimin. Besojmë se duke mirkuptuar problemin që kompanitë kanë mund të gjejmë hapësirat për diskutimi Vijojmë negociatat që në ditën kur te kemi këshill do kemi një zgjidhje”-tha Mazniku
Ndërkohë nga ana tjetër shoqata e transportit dhe operatorët e saj këmbëngulin se më datë 1 janar të vitit që vjen asnjë automjet nuk do të jetë në rrugë nëse nuk arrihet marrëveshja.
