Në konferencën për mediat në lidhje me operacionin e përbashkët Shqipëri-Itali, mbajti fjalën e tij edhe Drejtor i Antimafies italiane, Michele Carbone.
Gjatë fjalës së tij ai tha se bëhet fjalë për një grup kriminal që kalon përtej kufijve të dy vendeve dhe që arrin deri në Amerikën e Jugut.
“Jam shumë i gëzuar, është hera e parë që vij në Tiranë. Është një krim ndërkombëtar mes lëndëve narkotike veçanërisht për lëndët narkotike, i kalon kufijtë ndërkombëtar dhe ka kontakte përtej Italisë dhe Shqipërisë. Flasim për kontakte në Evropën e Veriut, Amerikën e Jugut, Ballkan dhe vende të tjera. Nëse rezultatet e djeshme u realizuan është sepse ka pasur një punë skuadre. Ka parë si aktorë jo vetëm policinë gjyqësore por edhe kolegët e policisë shqiptare. Rezultate të rëndësishme që mund të arrihen vetëm me anë të një loje skuadre. Falënderoj gjithë aktorët që bashkëpunuan”, u shpreh Carbone.
Ndërkohë, përfaqësuesi i Eurojust Gianluca Forlani deklaroi se është konstatuar trafikimi i rreth 4 milion e gjysmë euro.
