TIRANË- Drafti i përgatitur nga grupi i ekspertëve për reformën në drejtësi nuk duhet votuar pasi ai përmban mjete ligjore që janë në kundërshtim me shtetin e së drejtës. Unioni i Gjyqtarëve si një prej grupeve të interesuar drejtpërdrejtë për një reformë në sistem, ka rezerva per projektin, vecanërisht për ndryshimet e parashikuara në kushtetutë.
Kryetari i Unionit, Gerdi Hoxha, ndalet tek ndryshimet qe parashikohet per funksionimin e Keshillit te Larte te Drejtesise, te cilat ai thote se do ta vene ate nen ndikimin e politikes. Reduktimi i gjyqtarëve në KLD, nuk duhet të drejtohet nga JO-Gjyqtarë. “Nuk ka arsye për ndërprerjen e mandatit të anëtarëve të KLD”, tha ai për Ttv Klan.
Edhe gjyqtarët janë dakord që pjesë e KLD të mos jenë Presidenti dhe ministri i Drejtësisë, por sipas tyre, reforma nuk garanton eliminimin e ndikimit politik të KLD.
Po kështu superstrukturat e kontrollit të gjyqtarëve, shihen si mekanizma jo të duhur. Në vend të tyre, sipas Unionit të Gjyqtarëve duhet të forcohen organizmat aktual si ILDKP apo edhe inspektorët e KLD. Edhe modelet e sistemeve të drejtësisë për tu marrë shembul, nuk përshtaten me realitetin shqiptar.
