Kryetarja e Lëvizjes Socialiste për Integrim, ka deklaruar sërish se opozita e bashkuar do të jetë në mbështetje të protestës së banorëve tek Unaza e re.
E ftuar në emisionin ‘5 pyetje nga Babaramo’, Kryemadhi tha se projekti i Unazës së Re është një aferë e pastër korruptive dhe se ky projekt kap vlerën e 100 milionë eurove.
‘Projekti i Unazës së Re është në vlerën totale 100 milion euro. Opozita nuk është e angazhuar në protestë. Protesta është e banorëve. Ne mbështesim banorët. Aksionet e opozitës: vettingu në politikë, vetingu i konçensioneve, dhe analiza e buxhetit. Prezenca e deputetëve të LSI-së së qarkut Tiranë është detyrë, sepse LSI ka marrë vota në atë zonë.
Është një vepër e madhe korruptive. Buxhet i fryrë dhe mungesë transparence. Ky projekt është nisur që në qershor 2017. Përse nuk u njoftuan banorët? Qeveria ka detyrim moral ti shpërblejë.
Projekti aferë shumë e madhe korruptive. Guxim shumë i madh nga ARRSH dhe kryeministri që të bëhet ky veprim kaq i rëndë.
Opozita nuk do të nisë asnjë aksion politik që të abortojë para kohe. Opozita detyroi qeverinë që brenda një viti të ndryshojë ministrin e rendit. Ndryshimi erdhi për shkak të opozitës, dhe jo ndërgjegjësimit të Edi Ramës’, tha Kryemadhi.
